نێیماری ئەستێرەی یانەی سانتۆس بەرگری لە خۆی دەکات بەهۆی ئەو تۆمەتانەی کە پێش ئەوەی پەیوەندی بە کەمپی هەڵبژاردەی بەرازیلەوە بکات، یارییەکەی پاولیستای پاڵەوانێتی تیپەکەی “بەجێهێشتووە” و ڕایگەیاندووە، بەدەست کێشەیەکەوە دەناڵێنێت کە نەیتوانیوە بەشداری یارییەکەی یەکشەممە بکات.
ئەمڕۆ دووشەممە نێیمار لە پەیامێکدا کە لە سۆشیال میدیا بڵاویکردەوە، دوای بینینی یارییەکەی نێوان کۆرینتیان و سانتۆس، کە بە ئەنجامی 2-1 لە بەرژەوەندی یەکەمیان کۆتاییهات و سەرکەوتن بۆ یاری کۆتایی پاڵەوانێتییەکە، وتی: تەنها ئەوەم دەویست یاری بکەم و بە جۆرێک لە جۆرەکان یارمەتی هاوڕێکانم بدەم.
یاریزانە پێشووەکەی پاریس سانجێرمان و بەرشەلۆنە و ئەلهیلال ڕوونیکردەوە، پێنجشەممەی ڕابردوو هەستی بە “ئازاری” جەستەیی کردووە و لە ڕۆژانی دواتریشدا بەردەوام بووە، ئەمەش وایکردووە نەتوانێت بەشداری قۆناغی پێش کۆتایی پاڵەوانێتی پاولیستا لەگەڵ سانتۆس بکات.