ئەمساڵ بۆ یەکەمین جار لە مێژوودا مۆندیالی یانەکان بە سیستەمێکی نوێ و بە بەشداری 32 یانە لە وڵاتی ئەمریکا بەڕێوە دەچێت،کە لەگەڵ دەست پێکی مۆندیالەکە ڕەخنەی زۆر هەبوون هاو شان لەگەڵ بەگونجاو زانینی مۆندیالەکە.
بەڵام خافیێر تیباسی سەرۆکی فیدراسۆنی ئیسپانی لە نوێترین لێدوانیدا دژایەتی خۆی بۆ مۆندیالەکە ڕاگەیاند و ڕەخنەی زۆری ئاڕاستەی مۆندیالەکە کرد،کە تیباس دەڵی”فیفا ناتوانێت ئەو مۆندیالە بەرەو پێش ببات و تاکە ڕێگاش هەڵوەشاندنەوەی پاڵەوانەتیەکەیە،چونکە پارە کاتێک تێکەڵ بە وەرزش دەکرێ هیچ بەهایەک نامێنت بۆ وەرزش”.
تیباس لە بەردەوامی قسەکانیدا وتی”من کەمێک سەیری یاری چێڵسی و لۆس ئەنجلۆسم کرد،کە هیچ گرنگ نەدەهاتە بەر چاو و لە یاریەکی دۆستانە دەچوو”
ئەو قسانەی تیباس کاردانەوەی خێرای لێکەوتەوە و ڕەنگە ببێتە دەستپێکێکی گەورە بۆ جوڵاندی دەنگی ناڕەزایی دژی ئەو مۆندیالە.
“سەرکار ڕێبوار”