بنکەی نەهێشتنی نە خوێندەواری لە زانکۆی جیهان، لە رێوڕسمێکدا بڕوانامەی بە قوتابیانی دەرچووی خولی خوێندنى 2024 – 2025 بەخشی.
رێوڕسمێکە ئێوارەى رۆژی دووشەممە، بە ئامادەبوونى ئومێد خۆشناو، پارێزگارى هەولێر و سەرۆکى دەستەى ئەمینداریەتى زانکۆکانى جیهان و بەڕێوەبەری پەروەردەی ناوەند و ژمارەیەکى تر لە مامۆستایان بەڕێوەچوو.
ئەو قوتابیانەی کە لەو خولەکەدا بەشداربوونە لە ماوەی تەمەنیان لە خوێندن دابڕاون، یان هەر نەیان توانیوە بخوێنن، بێ بەرامبەر لە هەردوو رەگەز لە لایەن مامۆستای پسپۆر لەسەر پڕۆگرامی تایبەت بە نەخوێندەواری، وانەکانیان بۆ گوتراوەتەوە، كە لە لایەن وەزارەتی پەروەردە دابین كراوە.