هانسی فلیکی ڕاهێنەری یانەی بەرشەلۆنە بڕیاریدا دەستکاری خشتەی ڕاهێنانەکانی تیپەکەی بکات لە کۆریای باشوور بەهۆی بەرزبوونەوەی پلەکانی گەرما، کە گەیشتە ٣٦ پلەی سەدی و شێداری بەرز.
فلیک ڕوونیشیکردەوە یاریزانان ماوەی پشوودانی زیاتریان پێدەدرێت، هەروەها ئاوی خواردنەوەی بەردەوامیان بۆ دابیندەکرێت بۆ دڵنیابوون لە باشی جەستەیییان.
ڕاهێنەرە ئەڵمانییەکە ئاماژەی بەوەدا کە خشتەی توندی گەشتە ئاسیاییەکان بووە هۆی لەدەستدانی سێ مەشق و ڕاهێنان، جەختیشی لەوە کردەوە کە ئەولەویەتی ئێستا ئامادەکردنی تیپەکەیە بۆ وەرزی نوێ بەبێ ئەوەی مەترسی لەسەر تەندروستی یاریزانەکان بکەوێت.