ڕەجەب تەیب ئەردۆغان، سەرۆک کۆماری تورکیا، لە پەراوێزی بیست و پێنجەمین کۆبوونەوەی سەرانی وڵاتانی ئەندامی ڕێکخراوی هاریکاریی شانگهای لە چین، لەگەڵ مەسعوود پزشکیان، سەرۆک کۆماری ئێران دیدار و گفتوگۆی کرد.
ڕەجەب تەیب ئەردۆغان، سەرۆک کۆماری تورکیا، لە دیداریدا لەگەڵ مەسعوود پزشکیان، سەرۆک کۆماری ئێران لە چین ڕایگەیاند کە هاریکاریی تورکیا و ئێران لە زۆر بواردا، بەتایبەتی وزە، لە بەرژەوەندیی هاوبەش دایە.
بەگوێرەی ڕاپۆرتی فەرمانگەی پەیوەندییەکانی سەرۆکایەتیی کۆماری تورکیا، سەرۆک کۆمار ڕەجەب تەیب ئەردۆغان لە پەراوێزی بیست و پێنجەمین کۆبوونەوەی سەرانی وڵاتانی ئەندامی ڕێکخراوی هاریکاریی شانگهای لە چین لەگەڵ مەسعوود پزشکیان، سەرۆک کۆماری ئێران کۆبووەوە.
لەو دیدارەدا، ئەردۆغان و پزشکیان دەربارەی دوایین دۆخی سووریا، هێرشەکانی ئیسرائیل بۆ سەر غەززە و پرۆسەی ئاشتی لە قەفقازی باشوور بیروڕایان ئاڵوگۆڕ کرد.
هەروەها لە دیداری ئەردۆغان و پزشکیاندا، پەیوەندییە دووقۆڵییەکانی نێوان تورکیا و ئێران و هەروەها گۆڕانکارییە ناوچەیی و جیهانییەکان تاوتوێ کران.
سەرۆک کۆمار ئەردۆغان لەو دیدارەدا ڕایگەیاند کە بەشداریی ئێران لە دانوستاندنە ناوکییەکان بە سوود دەزانن و پشتیوانیی تورکیا لە ئێران لەم بوارەدا بەردەوام دەبێت.