پارتی چاكسازی توركمان لهبهیاننامهیهكدا بهبۆنهی كردنهوهی ڕێرهوی پێشمهرگه لهپاریس رایدهگهیهنێت كه کردنەوەی رێرەوی پێشمەرگە لە پاریسی پایتەختی فەرەنسا، بەئامادەبوونی سەرۆک و پێشمەرگەی کوردستان سەرۆک مەسعود بارزانی، ناوی پێشمەرگەی وەک جەنگاوەرێکی ئازادی و نموونەیەکی باڵا لە ئازایەتی و بەرخودان و قوربانیدان لە جیهاندا ناساند.
لهبهیاننامهكهدا بۆ ئاژانسی زاگرۆس نێردراوه هاتووه: کردنەوەی رێرەوی پێشمەرگە لە پاریسی پایتەختی فەرەنسا، بەئامادەبوونی سەرۆک و پێشمەرگەی کوردستان سەرۆک مەسعود بارزانی، ناوی پێشمەرگەی وەک جەنگاوەرێکی ئازادی و نموونەیەکی باڵا لە ئازایەتی و بەرخودان و قوربانیدان لە جیهاندا ناساند، تێکۆشان و خوێنی پێشمەرگە قارەمانەکان، کوردستانی وەک نەتەوە و گەل پاراست و دلێرانە رووبەرووی دوژمنانی گەلی کوردستان لە هەموو قۆناغەکانی خەباتی رزگاریخوازی گەلی کوردستاندا بۆتەوە و لە شەری دژ بە تیرۆرستانی داعشدا لە جیاتی هەموو جیهان شەریان کرد و ئەفسانەی داعشیان تێکشکاند، ئامادەبوونی سەرۆک بارزانی لە مەراسیمێکی لەم شێوەیەدا بۆ گەورەیی ناوی پێشمەرگە و خەباتی بێپسان و قوربانیدانی بێژماری پێشمەرگە دەگەرێتەوە.
هاوكات ئهوهش خراوهتهروو: سەرۆک بارزانی لە وتەیەکیدا باسی پێکەوەژیانی ئاشتیانە و پێکهاتە جیاوازەکانی هەرێمی کوردستانی کرد، بێگومان لە بۆنەیەکی گرنگی لەم شێوەیە جەختکردنەوەیە لە پابەندی هەرێمی کوردستان بە بنەماکانی پێکەوەژیانی ئاشتیانەی نێوان پێکهاتەکان و قوڵبوونەوەی گیانی لێبوردەیی و یەکترقەبووڵکردن و پتەوبوونی کەلتوری پێکەوەژیان لە ناوچەکەدا، سەرۆک بارزانی هەمووکات سەنگەری بەرگری بووە لە پاراستن و چەسپاندنی مافەکانی سەرجەم پێکهاتە جیاوازەکان لە هەرێمی کوردستان و هەمیشە کاری لەسەر پتەوبوونی پێکەوەژیانی ئاشتیانەی نێوان پێکهاتەکان کردوە جەختی لە بەشداریان لە کۆی کایەی حکومرانی و پرۆسەی سیاسی کردۆتەوە.
لهوبهیاننامهیهدا هاتووه: لە کۆتاییدا نەخشاندنی تابلۆی پێشمەرگە لە پاریس، دەستکەوتێکی گەورە و نەتەوەییە، رەنگدانەوەی بەرخودان و تێکۆشانی سەرۆک بارزانی و پێشمەرگەی کوردستانە، شانازییەکی مەزنە بۆ هەموو تاکێکی کوردستانی، لەمرۆوە بەدواوە ناوی پێشمەرگە رۆڵێکی گرنگ و گەورەی بە نێودەوڵەتیکردنی دۆزی رەوای گەلی کوردستاندا دەبێت، خەبات و قوربانیدان و خوێنی پێشمەرگە دەبنە سیمبولی ئازادی و کۆڵنەدان و خەباتی نەتەوەیەک کە بەدرێژایی مێژووی رزگاریخوازی گەلی کوردستان بێوچان خەباتی بۆ ئازادی و سەربەخۆیی کردوە.