پێشمەرگەیەکێ شورەشا ئەیلوولێ، راگەهاند: مە ب شورەش و داستانان ئەڤرو یا ئاڤاکی، داخازێ ژ گەنج و لاوێن خۆین گەرم دکەم ب دەنگ داناوان بۆ پارتی سبەهیەکا گەشت تر و خۆشتر ئاڤابکەن.
رزا زبەیر محمود اغا زێباری، پێشمەرگەیێ شورەشا مەزنا ئەیلوولێ ل ئاکرێ بۆ ئاژانسا زاگرۆس، راگەهاند: ئەو روژا مە چەکێ شەرەڤی هەلگرتی و دەست ب بەرخودانێ کری ژ بەر وێ زولم و زورداریا سەر گەلێ مە، ب رێبەراتیا بارزانی نەمر وێ روژێ مە یا گۆتی یان مرن یان ئازادی و سەربەرزی و سەربەخۆی، پارتی خودانێ ڤان دروشمان بۆیە ژ وێ روژێ تا ئەڤڕو خەباتێ بۆ فی گەلێ زولم لێکری کریە، ئەو ژی ئەو ئازادی و ئارامی و ئێمناهیا ئەڤرو مەهەی بەرهەمێ وێ خەباتێ یە ئەوا ل سەر دەستێ پارتی و سەرۆک بارزانی بەرهەم هاتی.
زێباری زێدەتر گۆت: مە ژ نەچاری و وێ زولما ل گەلێ مە دهاتە کرن، خەبات و شورەشا چەکداری بەرامبەر دوژمنی مە دەستپێکر، زەحمەت و نەخۆشی و دەردەسەری زور مە دیتن، خۆین بۆ ئازادی و سەرفرازی مللەتی مە رژت، دەهان هەڤاڵ و هەڤسەنگەرێن مە ل بەرگیری کرنێ ل ئاخ و مافێت نەتەوەیا خو شەهید و بریندار بوون، ئەڤرو ژی هەر شورەشە ل سەر سندۆقێت دەنگدانێ خەبات و شورەشێن پارتی بیربینەڤە و دەنگی ب بەربژێرێن حزبەکێ بدەن کو ئامادە نیە سازشێ ل سەر کورداتی و ئاخا کوردستانێ بکەت.
رزا زبەیر اغا، هەر وەسا گۆت: داخازامە مە ژ گەنچ و لاوێن خۆین گەرم کا چەوا ل شورەش و بەرخودانێت فی گەلی مە خۆ نەچەماند هین ژی ب رحەکا کوردپەروەرانە هەرنە سەر سندۆقێت دەنگ دانێ، دەنگی بدەنە لیستا 275 یا کورێن شەهید و قەهرەمانێن وەلاتی، رێبازا پارتی و بارزانی.
اسماعیل حکیم