پارێزەر سەرکەفت موزەفەر تەتۆ کۆچەر، بەربژارێ پارتی دیموکراتی کوردستان، دوپاتکر کو ئارمانجێن وی یێن سەرەکی کارکرنە بۆ دابینکرنا داخوازییێن گەنجان و بجهئینانا مافێن دەستووری، و هەروەها ب هێزکرنا پێگەهێ کوردان ل بەغدا.
پارێزەر سەرکەفت موزەفەر تەتۆ کۆچەر (بەربژارێ ژمارە 29 ل سەر لیستا 275 یا پارتی دیموکراتی کوردستان لبازنێ نەینەوا بۆ جڤاتا نوێنەرێن عێراقێ) تایبەت بۆ (ئاژانسا نووچەیا زاگرۆس) ئاخڤت و دیارکر کو ئارمانجێن وی یێن سەرەکی د هەلبژارتنێن داهاتی دا بۆ وان دێ تێکۆشن و دروشما وان ل سەر بنەمایێ (هەڤبەشی، هەڤسەنگی، و لهەڤکرن/سازان) بیت، کو بنەمایێ بونیادێ دەولەتا عێراقێ پێک دئینن.
کۆچەر ئاماژە کر کو دێ هەول دەت ببیتە نوونەرەکێ گرنگ بۆ دابینکرنا ژیانەکا شایستە و ئاییندهیەکێ گەش بۆ چینا گەنج، دا بشێن ڕۆلێ خۆ یێ ڕاستەقینە ل ئاڤاکرنا دام و دەزگەهـ و دەولەتێ بگێڕن.
بەربژارێ پ.د.ک دوپاتکر کو ئەرکێ سەرەکی یێ وی د پەرلەمانێ عێراقێ دا دێ کارکرن بیت بۆ جێبەجێکرنا هەمی مافێن دەستووری یێن مسۆگەرکری بۆ وەلاتیێن دەڤەرێ و هەموو پێکهاتەیان، بۆ دەستەبەرکرنا ژیانەکا ب ڕێز، و هەروەها بجهئینانا دادپەروەریێ کو ببیتە ڕێڤینگەهـ بۆ سەقامگیری و پێکڤەژیانا ئاشتییانە ل تەڤایا پارێزگەهێ.
کۆچەر ڕاگەهاند: “دەنگدان ب لیستا 275 یا پارتی دیموکراتی کوردستان، دەنگدانە بۆ بەرەڤانیکرن ژ پێگەهێ کوردان ل بەغدا و پاراستنا مافێن هەمی پێکهاتەیان.”
ل دووماهیێدا، داخواز ژ هەمی خەلکێ کوردستانێ کر کو دەنگ ب لیستا 275 پ.د.ک بدەن، وەک دەنگەک بۆ بەرەڤانیکرن ژ پێگەهێ کوردان ل بەغدا و پاراستنا مافێن هەمی پێکهاتەیان.