ڕۆژنامەی ئاسی ئیسپانی ئەمڕۆ پەردەی لەسەر کێشەیەکی گەورە و هەستیاری یانەی ڕیاڵ مەدرید لادا و دەربارەی داهاتووی چابی ئەڵۆنسۆ و قسەی کۆتایی کارگێڕی ڕیاڵ مەدرید لە ڕاپۆرتێکی شیکاریدا ئاشکرا کرد،کە فلۆرێنتینۆ پێرێزی سەرۆکی یانەی ڕیاڵ مەدرید نزیکە لەوەی بڕیاری دوورخستنەوەی ڕاهێنەرەکە بدات لەئەگەری بەردەوام بوونی ئەو کێشە و ئاڵۆزیانە.
ئاس ئەوەی ئاشکرا کردوە بەهیچ شێوەیەک کێشەی نێوان ڤینیسیۆس و ئەڵۆنسۆ چارەسەر نەکراوە لەکاتێکدا ئەڵۆنسۆ چەند جارێک لە کۆنگرەی ڕۆژنامەوانی باسی نەبوونی کێشەی کردوە لە یانەکە بەڵام ئاس دەڵێت؛ ڤینیسیۆس زۆر نیگەرانە لەو مامەڵەیەی ئەڵۆنسۆ لەگەڵی دەکات و پێیوایە زۆڵمی لێدەکرێت،کە ئەمەش وایکردوە تاکو ئێستا گرێبەستەکەی لەگەڵ ڕیاڵ مەدرید نوێ نەکاتەوە و بیر لە جێهێشتنی یانەکەی بکاتەوە.
لەلایەکی دیکەوە ئاس بە هێڵێکی دیکەیەوە دەربارەی کێشەکانی ڕیاڵ مەدرید ئاشکرای کردوە،کە ئەو ئەنجامە چاوەڕوان نەکراو و خراپانەی ڕیاڵ مەدرید بەتایبەت 2-2 بەرامبەر ئێلچێ لە لالیگا نیگەرانی خستۆتە نێو کارگێڕی ڕیاڵ مەدرید،کە بەئەگەری زۆرەوە لەکاتی خراپی ئاستی ڕیاڵ مەدرید لە مانگی داهاتوو چابی ئەڵۆنسۆ لە پۆستەکەی دووربخەنەوە.
“سەرکار ڕێبوار”