لەگەڕی چواردەی لالیگای ئیسپانیا یانەی بارسێلۆنا لەنێو یاریگای سپۆتیفای کامپ نۆ میوانداری یانەی دیپۆرتیڤۆ ئەلاڤێسی کرد و بەسەرکردایەتی لامین یەماڵ توانی یاریەکەی لێببـاتەوە و سێ خاڵی گرنگ بەدەست بێنێت بەشێوەیەکی کاتی بچێتە یەکەمی ڕیزبەندی.
لەسەرەتای یاریەکەدا و لەخولەکی یەکدا پابلۆ ئیبانێز توانی گۆڵی یەکەمی ئەلاڤێس تۆمار بکات،کە هەر دوای ئەو گۆڵ بارسێلۆنا یاریگای کۆنتڕۆڵ کرد و لامین یەماڵ لەخولەکی 8 گۆڵی یەکەمی بارسای تۆمار کرد و لەخولەکی 26ی یاریەکەدا دانی ئۆلمۆ گۆڵی دووەمی بارسێلۆنای تۆمار کرد
گێمی یەکەم بەو ئەنجامە لەبەرژەوەندی بارسێلۆنا کۆتایی هات.
لە گێمی دووەمی یاریەکە گۆڵ دوا کەوەت تاکو کۆتا خولەکی یاریەکە و دانی ئۆلمۆ بۆ دووەمین جار گەیشتەوە سەر گۆڵی ئەلاڤێس و گۆڵی سێیەم و دڵنیایی بۆ بارسێلۆنا تۆمار کرد
لەکۆتاییدا یاریەکە بە سێ گۆڵ بەرامبەر گۆڵێک لەبەرژەوەندی بارسێلۆنا کۆتایی هات.
بەو ئەنجامە بارسا بە شێوەیەکی کاتی هاتە یەکەمی ڕیزبەندی خولەکە بەکۆکردنەوەی 34 خاڵ و هەرچی یانەی دیپۆرتیڤۆ ئەلاڤێسیـشە لە پلەی 14ی ڕیزبەندی لالیگایە بە کۆکردنەوەی 15 خاڵ.
“سەرکار ڕێبوار”