پۆلیسی ویلایەتی کالیفۆرنیا بریتنی سپێرز، ئەستێرەی ناسراوی پۆپیان بە تۆمەتی لێخوڕینی ئۆتۆمبێل لەژێر کاریگەری کحوولدا دەستگیرکرد.
بەپێی ڕاپۆرتەکان، ئەم هونەرمەندە تەمەن 44 ساڵەیە لە ناوچەی ڤێنتورا دەستبەسەر کراوە و دوای چەند کاتژمێرێک مانەوە لە زیندان، بە کەفالەت ئازاد کراوە. ئەم ڕووداوە دەنگدانەوەیەکی زۆری لە میدیا جیهانییەکاندا دروست کردووە.
سەرچاوەکان ئاماژە بەوە دەکەن کە پۆلیس کاتژمێر 9:30ـی شەو سپێرزی ڕاگرتووە و تا کاتژمێر 6ـی بەیانی لە ناوەندی دەستبەسەرکردن ماوەتەوە.
هاوکات لەگەڵ بڵاوبوونەوەی ئەم هەواڵە، ئەژماری ئینستاگرامەکەی بریتنی داخرایە، هەرچەندە هۆکارەکەی بە ڕوونی دیار نییە و پەیوەندی نێوان داخستنی ئەژمارەکە و ڕووداوەکە نەزانراوە. تا
ئێستا هیچ ڕوونکردنەوەیەکی فەرمی لەلایەن تیمەکەیەوە بڵاونەکراوەتەوە و بڕیارە لە 4ی ئایاری داهاتوودا لەبەردەم دادگا ئامادە بێت بۆ لێکۆڵینەوە لە وردەکارییەکانی ڕووداوەکە و دیاریکردنی سزا ئەگەرییەکان.