ڕاوێژکاری مەکتەبی سیاسی پارتی ئاماژە بەوەدەکات: گەلێک ماندونەناسانە ، لە پێناوی سەرفرازی نەتەوەیی و نیشتیمانیدا ، ڕووبەڕووی دڕندەترین شێوازی چەوساندنەوەو کۆمەلکۆژی بوتەوە، هەزاران تێکوشەری رێگای ئازادی و ڕزگاربون لە ژێردەستی ، بە عشقێکی سوفیانەوە بەرەو مەرگ هەلکشان ،ناکرێت بۆ هەر خواستێکی نامۆ گوماناوی دەستبەرداربێت.
عارف ڕووشدی لەنووسینێکدا دەنووسێت: لەوەی ئیمرۆ
بەدەستهاتووە لە دامەزراوەی یاسایی و خزمەتگوزاری (پارلەمان و حکومەتی خۆماڵی) ، ، ڕاستە حزبە سیاسییەکان کارێکتەرن ، بەڵام هەمیشە جەماوەری خەلک کۆڵەگەو ڕاگری بنەڕەتی کۆمەڵگان ، بۆیە کاتی ئەوە هاتووە لە ئاستی دواخستنی دەستبەکاربونی دامەزاراوە نوێکانی بەرێوەبردنی هەرێمی کوردستان ، جەماوەری نیشتیمانپەروەر، ئیتر خاڵ بخاتە سەر پیتەکان و سەرجەم لایەنە سیاسییەکان بیخاتە ژێر باری بەرپرسیارەتییەوە.
ئەوەشی خستەروو:، شێلگیرانە فشاربکەن بۆ هاتنە پێشەوەیان بە مەبەستی کاراکردنەوەی پارلەمان وەکو هەنگاوی یەکەم ، هەر لایەنێک بە هەر بیانویەک بێت ، ملنەدات ، پێویستە بەئاشکرا خەتاباری نیشتیمانی بکرێت ، دوا بەدوادا ، لایەنە وڵاتپارێزەکان هەڵوێستی کرداری بنوێنن و مەترسییە دژوارەکان بەهەند وەرگرن لەم کەشە ناهەموارەی ناوچەکەدا (هەڕەشەی مان و نەمان) لە سەروەری هەرێمی کوردستان دەکەن .