هونەرمەندی میسری، شیرین عەبدولوەهاب، دوای ماوەیەک لە دابڕان، بە هێزێکی زۆرەوە دەگەڕێتەوە ناو گۆڕەپانی هونەری و خۆی بۆ ڕاگەیاندنی چەندین پڕۆژەی گۆرانی نوێ ئامادە دەکات.
شیرین لەم دواییانەدا سەرنجی میدیاکان و سۆشیاڵ میدیای بە تەواوی ڕاکێشاوە، بە تایبەتی دوای ئەو کارلێکە گەورەیەی کە لەسەر دوایین بەرهەمەکانی هەبوو.
لە گرنگترین ئەو کارانەی کە لەم قۆناغە نوێیەدا پێشکەشی کردن، گۆرانی سەربەخۆی “تباعًا تباعًا” بوو، لەگەڵ گۆرانییەکی دوێت بە ناوی “بحرية” کە لەگەڵ هونەرمەند محەممەد حەماقی پێکەوە گوتوویانە.
بەپێی زانیارییە تایبەتەکان، شیرین ئێستا لە ناو ستۆدیۆکاندایە و پلانی کارکردنی بۆ ئەم وەرزە لەسەر بنەمای بڵاوکردنەوەی یەک لە دوا یەک داڕێژراوە؛ بە شێوازێک کە هەر گۆرانییەک تەواو دەبێت، ڕاستەوخۆ بۆ جەماوەرەکەی بڵاودەکرێتەوە.
هاوكات لەگەڵ ئامادەکارییە موزیکییەکان، شیرین زنجیرەیەک دانیشتنی وێنەگرتنی نوێ لەگەڵ تیمێکی شارەزای لوبنانی ئەنجام دەدات.
ئامانج لەم کارە گۆڕینی ستایل و پێشکەشکردنی دەرکەوتنێکی تەواو نوێ و جیاوازە کە هاوتەریب بێت لەگەڵ ئەو شێوازە موزیکە نوێیەی لە گۆرانییەکانیدا جێگیری کردووە.