سایلۆی هەولێر ئاگاداری ئەو جووتیارانە دەکاتەوە کە بەشێک لە پارەی ساڵی 2015یان لای سایلۆکە ماوە، ڕۆژی سێشەممە (2026/6/2) سەردانی سایلۆکە بکەن بۆ وەرگرتنی چەکی پارەکانیان، کە بڕیارە لە بانکی TBi خەرج بکرێت.
بۆ وەرگرتنی چەکەکە، پێویستە خاوەن شایستەکە خۆی ئامادە بێت یان بریکارنامەی پەسندکراوی ئەمساڵی پێبێت، لە کاتی کۆچی دوایی خاوەن چەکەکەشدا، پێویستە دابەشنامەی شەرعی یان یاسایی لەگەڵ بریکارنامەی گشتیی سەرجەم میراتگران پێشکەش بکرێت.