هیوا مەنتک
ئایا ئەوەی بە ڕێگای زۆرینەی دیموکراسی بڕیار دەدات، یان ئەوەی بە ئەجێندایەکی گوماناوی و دەنگێکی دۆڕاوەوە، دەیەوێت بە هەموو هێزێک ڕێگری لە پێشکەوتن و ئاوەدانیی کوردستان بگرێت؟
مێژووی هەندێک حزب پڕە لە پەڕەی ڕەش؛ حزبێک کە مێژووەکەی تەنیا کۆمەڵێک وێستگەی خیانەت و دۆڕاندن بێت، دیارترین دەسکەوتەکانی بریتیبن لە:
جاشایەتی و دژایەتیکردنی شۆڕش (لەوانەش وێستگەی ناسراوی بە تەسلیمبوونەوەکان). (لە ساڵی ١٩٦٦ ڕێکەوتی ڕێککەوتنامەی تشرین، ناسراو بە جاشی ٦٦ ).
خۆفرۆشی و جاشایەتی و بەجێهێشتنی خاک لە ساڵی ١٩٨٣دا.
فرۆشتن و تەسلیمکردنی کەرکوک لە ١٦ی ئۆکتۆبەری ٢٠١٧.
هەوڵدان بۆ ڕادەستکردنی سامان و قووتی خەڵکی کوردستان بە بەغدا.
بێدەنگبوون و بەشداربوون لەو پۆستانەی عێراقدا بە دیاری کراوی سەرۆککۆماری عیراق، کە لە کاتی بڕینی مووچە و شایستە داراییەکانی هەرێمدا خاوەندارێتییان دەکرد.
سەرکردایەتیکردنی ململانێ و پەلاماردانی ناوخۆیی (وەک رووداوی لالەزار).
و ئێستاش… کۆکردنەوەی واژۆ بۆ لاوازکردن و لەتکردنی قەوارەی هەرێمی کوردستان!
ئایا بەڕاستی ئەمە داکۆکیکارە، یان خۆسەپێن؟
یان ئەوەی هەمیشە قەڵغان بووە بۆ پاراستنی کوردستان، و شارەکانی بە دەست و بازووی ئاوەدانی لەگەڵ پێشکەوتووترین ناوچەکانی جیهاندا هاوتا کردووە؟
مێژوو دادوەرێکی ڕاستە، و نەوەکان باش جیاوازیی لە نێوان خزمەتکار و خۆفرۆشدا دەکەن

