پارتی دیموکراتی کوردستان ب جوانترین دروشم دێ پشکدارێ هەلبژاردنێن ئەنجوومەنێ نوێنەرانێ عیراقێ بیت :
_ هەڤپشکی
_ هەڤسەنگی
_ لهەڤکرن
ژ درۆشمێ پارتی دا دیارە کو هەردەم کار دکەت و کار کریە ل سەر خزمەتکرن و ب دەستڤە ئینانا مافێن رەوایێن هەمی مللەتێ کورد بێ جوداهی ل هەرێما کوردستانێ ل رابردووی دا دیروك شاهیدە کا کێ بوون کار دکر ل سەر پاراستنا سەقامگیریا قەوارەیێن سیاسیێن هەرێما کوردستانێ .
د نها ژی دا ئەم هەمیێ ب چاڤێن خو دبینین کا کێنە کار دکەن و شەرێ ب دەستڤە ئینانا ماف و بەرژەوەندیێن مللەتێ کورد دکەن و خەمخورێن مللەتێ کوردن .
د داهاتوی ژی دا بێگومان دێ هەر پارتا دیموکراتا کوردستانێ بیت کو کار بکەت ل سەر پێشڤە برن و ب دەست ڤە ئینانا دەستکەفتێت مەزن بۆ هەرێما کوردستانێ ..
وەکی سەروك و مەرجەعێ بالایێ کوردان رێزدار ( سەروك بارزانی) گوتی “ ب نسبەتا هەلبژاردنێ هەمی کەس ئازادن دەنگی ب کێ بدەن لێ بەلێ حەقە وژدانا خو ژی ب کاربینن ئەڤ خەلکە کا کێ خزمەت کریە و کێ خزمەتێ دکەت ب قەنەعەتا وان بلا دەنگی ب وان بدەن ، ئەز نابێژم حکومەتا هەرێمێ یا بێ کێم و کاسی یە بەس خزمەتەکا زور ژی یا کری بلا مەسەلا ئاڤێ بیت یان کەهرەبا یان ژی رەێگەو بان و ئەمن و ئاسایشا وەلاتێ مە کو زور وەلاتێن دی حەسودیێ ب مە دبەن “.
هەروسا گوت ژی ” ل هەمیێ ژی نەخوشتر و خراپتر ئەو بو کو بەغدا کارتا مووچەیی ل دژێ خەلکێ کوردستانێ بکار ئینا کو ژلایێ منڤە ئێش و ئازارێن وێ ب تەمەت ئەنفال و کیمیا بارانێ بوو چونکێ مانع نەبی زاروکێن دناڤا لاندکێ ژی بمرن ژ برسان دا ، ل وێ ژی نەخوشتر دوو روژ پێش جەژنا قوربانێ بێ وەزارەتا دارییا عیراقێ بەیانەک دەرکر زنجیرەیەکا تومەت و بوختانا ئاراستەیێ حکومەتا هەرێما کوردستانێ بکەن و پاشی بێژن چ هاریکاری و مووچە نینە بو خەلکێ کوردستانێ ، د ڤێرە دا ئەز ب پێدڤی دزانم پر ژ دل سوپاسیا خەلکێ کوردستانێ بکەم و دەستێن وان ماچی دکەم چونکێ هند ب مەردانە راوەستان و پلانا وەسا بو مووچەی نە هنێرن چەند مانگان و خەلک رابنەڤە و رەوش هەمی تێك بچیت ، خەلکێ کوردستانێ ئەو نەکر خو راگربین ژبەر هندێ ئێك دنیا مەمنونێ واینە و سوپاسیا وان دکەین “.
هەردەم ئارمانجا عیراقێ دژایەتی کرن و ژناڤبرنا مللەتێ کورد بویە بێ راوەستان ب هەمی جوران دژایەتیا مللەتێ کورد کرد و هەمی رێك بکارئینان بەلێ مللەتێ کورد هەر یێ خوراگر بو بەرامبەر پیلانێن وان و نەهێلا بگەهنە هیڤێن شوڤینی یێن خو .
لەوما ئەز دبێژم پێدڤیە ئەم هەمی مللەتێ کورد پێکڤە ل ١١ێ ١١ێ ٢٠٢٥ێ ب گەرمو گوری ڤە بچینە سەر سندوقێن دەنگدانێ و دەنگێ خو بدەینە لیستا (٢٧٥) یا پارتا دیموکراتا کوردستانێ چونکێ هەر پارتیە بەرەڤانیێ ژ ماف و کەرامەت و ئێکرێزی و پێکڤەیی و پێکڤەژیان و تەڤاهی و چارەنڤیسێ مللەتێ کورد دکەت د هەمی کاودانان دا ..
پارتی هەردەم خزمەتکارێ مللەتێ کورد بویە ل رابردووی دا و نها ژی و د ئایندەی ژی دا دێ هەر خزمەت کارێ مللەتێ کورد بیت بێ جوداهی ..
وەکی بارزانی نەمر ئەمر کری “ بو مروڤی جهێ شانازیێ یە خزمەتکارێ مللەتێ خو بیت ”.
وژدانا خو ئارام بکەن و لیستا قوربانیدان و شەهیدان و ئاڤەدانی و کوردایەتیێ هەلبژێرن بێ دوو دلی .
(دلوڤان ئەمجەد بارزانی)