وەزارەتی بەرگریی تورکیا سەبارەت بە خستنەخوارەوەی مووشەکێکی بالیستیی ئێران لە ئاسمانی وڵاتەکەی ڕاگەیەندراوێکی بڵاو کردەوە و تێیدا جەختی لە پاراستنی ئاسایشی هاووڵاتیان و ئاسمانی وڵاتەکەی کردەوە.
تورکیا ڕایگەیاندووە کە مافی خۆیانە وەڵامی هەر هێرشێک بدەنەوە و بە هەماهەنگی لەگەڵ ناتۆ چاودێریی دۆخەکە دەکەن. وەزارەتی بەرگری ئاماژەی بەوەش کردووە کە لەسەر سنوورەکانی نێوان تورکیا و ئێران هیچ جووڵەیەکی نائاسایی نابینرێت و داوای چارەسەری کێشەکانی لە ڕێگەی دیالۆگەوە کردووە.
هەروەها ئاماژە بەوە دراوە کە تورکیا لە نزیکەوە چاودێریی چالاکییەکانی ڕێکخراوی “پژاک” لە ناوخۆی ئێران و پێشهاتەکانی ناوچەکە دەکات.