نڤیسین: جیگر ڕەشید هەرکی
پارتی دیموکراتی کوردستان مێژوویەكا سپی و پڕشنگدار یاهەی كو پڕە ل دەسكەفتێن نەتەوایەتی بەرامبەر حکومەتا عێراقێ.
پارتی وەک نوێنەرا ڕاستەقینەیا گەلێ كوردستانێ هەرگاڤ بەرگری ل کوردستانێ كریە و بەرامبەر ب زولم و ستەمكاریێن حکومەتێن ئێك ل دیف ئێكێ یێن عێراقێ ڕاوەستیایە و ڕێكنەدایە کوردستان زێدەتر بهێتە ئێشاندد و بێبەش ببیت ل مافێن ڕەوایێن گەلێ كوردستانێ .
پارتی د كەلێنێن دژوار و د مێژوویا خودا خەباتەكا زوڕكریە و قوربانی و شەهیدێن زور داینە بۆ هندێ كو کورد ل ناڤ ئاخ و وەلاتێ پیرۆزێ خۆ سەربەست و سەرفرازببن و ل بن ئاڵایێ کوردستانێ ئێك ڕێز و ئێك گوتاربن بۆ هندێ دا كورد ب مافێن ڕەوایێن خۆ شادببن.
ل ناڤ هەمی هۆكاراندا هۆكارەكا گرنگ و سەردەمیانە هاتییە پێش كو بوچی مە بڕیاردایە تنێ دەنگ ب لیستا 275 یا پارتی و كاندیدێن پارتی بدەین كو بچن بۆ ئەنجوومەنێ نوێنەرێن عێراقێ ل بەغدا؟
چونکی، مەدیتیە ل وەختێن سەخت و بڕیارێن چارەنفیساز تنێ پارتیە بەرگریێ ژ ئاخا پیروزا كوردستانێ دكەت و تنێ پارتیە كوردستانێ ئاڤەدان دكەت و پڕوژان ڤەدكەت و خوشگوزەرانیێ بەرقرار دكەت و هەروەها تنێ نوێنەرێن حزبا پارتی بووینە بەرگریكار ل مافێن دەستووری یێن هەرێماكوردستانێ دناڤ پەرلەمانێ عێراقێدا و سازشێ لسەر مافێن دەستووریێن هەرێمێ ناكەن.
ڕوون و ئاشکرایە دناڤ پرسێن نیشتیمانی و نەتەوایەتی تنێ پارتییە کوردایەتی هەلبژارتی و پارتایەتی كریە ئامرازەك بۆ گەهشتنا کوردان ب مافێن خۆ و سازش لسەر ئێك مافێ ڕەوا یێ گەلی كورد نەكریە.
ل درێژاهیا مێژوویێدا زۆر شۆڕەش و داستان و كەلێنێن سیاسی هەبوونە كو پارتی وەک حیزب خۆ كریە قەلغانەكا بهێز بۆ پاراستنا ئاخ و ئاڵا و دەسكەفتێن ب خوینێ بدەستڤەهاتی بۆ هندێ دا کورد و کوردستان سەرفراز و ئاڤەدان و خۆدان ماف ببن.
نموونەیەک و پەندەكا مێژووی و سەردەمی هەیە كو پارتی حزبایەتی وەک قەلغانەكێ و ئامرازەكی بكارئینایە بۆ بەرگریکرن ل ئاخا پیرۆزا کوردستانێ، نموونە: ئەنجامدانا ڕیفڕاندۆما سەربەخۆییا کوردستانێ بوو كو جەنابێ سەرۆک بارزانی سەرەڕای هەمی تەحەدییا و هەرەشێن عێراقێ و ل ناڤ خۆ ل دەرڤە بڕیارا ئەنجامدانا ڕیفڕاندۆمێ ب ئامانج گەهاند و گەلێ کوردستانێ 92% دەنگێ بەلێ كرە تاپۆیا ڕەشا کوردستانێ بۆ گەهشتن ب سەربخۆییێ ، پشتی ڕیفڕاندۆمێ ژی نەیارێن گەلێ كوردستانێ ل ناڤخۆ و ژ دەرڤە هەولدا بحجەتا ئەنجامدانا ڕیفڕاندۆمێ کوردستانێ بندەست بكەن و حزبا پارتی نەهێلن و چ تشتا نەهێڵن بناڤێ کوردستانێ و پارتی، ئەو بوو ل داستانا پردێ و مەحموودیێ پارتی ب ڕابەرایەتیا سەرۆک بارزانی بڕیارا بەرگریكرنا سەرتاسەریدا و ل ڕێكا پێشمەرگەهێن قەهرەمان ب هەمی پێوەران بەرگریەکا مێژووی كر و دوژمنێن كوردان ل سێ چوار وەلاتێن دەوروبەر و جیهانێ شكاندن و تویشی شكەستنێ كرن و گورزەكا وەها ل دوژمنان وەشاندن كو هەتا مێژوو هەیە دوژمنێن گەلێ كوردستانێ ژ بیرێ نەچیتەڤە و هزرا هندێ نەكەن كو بڤێت پارتی ژناڤببەن ، ئەوەیە مەزناتی و سەروەریا پارتی كو وەكریە تنێ کاندیدێن پارتی هەڵبژێرین بۆ هندێ ئەگەر چوون بۆ بەغدا بەرگریێ ژ مافێن ڕەوا یێن كوردان بكەن و مافێن كوردا زامن بکەن ل چوارچێوەیێ دەستوورێ عێراقێدا.
پشتی كابینەیا نەهێ یا پارتی وەك هەمی دزانن ب كابینەیا زێرینا كوردستانێ دهێتە زانین كو هەتا نوكەژی زورترین پڕوژە زورترین خزمەتگوزاری بێ فەرق و جوداهی ئەنجامداینە وەك چێكرنا ڕێك و پرا و ب بانكی كرنا مووچەیێ فەرمانبەران و پڕۆژەیێ ڕووناكی و كارەبایا 24 دەمژمێری و چێكرنا بەنداڤ و كورنیشا و گرنگی دان ب كەرتێ كشتوكالی و گەشت و گوزاری ، ئەڤەبۆیە هۆكار كو ئەم پێشبینیێ دكەین پارتی سەركەفتنەكا مێژووی توماربكەت لە دەنگدانا ڤێ جارێ چونكی زورترین خزمەت ب گەلێ کورد و کوردستانێ كریە و وەلات ل هەمی ڕوویانڤە خۆشگوزەران و سەقامگیر و ئاڤەدان كریە ، نوكەژی ب دروشمێ هەڤپشكی و هەڤسەنگی و لهەڤكرن بەشدارە ل بانگەشەیا هەلبژارتنێن عئراقێ و یا پێتڤیە ئەم هەمی دەنگی بدەینە لیستا 275 یا پارتی دا كو پتر و بلەزتر بشێت ئەو مافێن بدەستنەهاتی و هاتیە پێشیلكرن بدەستڤە بینیت.