ئەستێرەی جیهانی کێت وینسڵێت دەیەوێت بەشداری لە وەرزی نوێی درامای “Adolescence”دا بکات، کە وەرزی یەکەمی سەرکەوتنێکی گەورەی لەسەر ئاستی جیهانی بەدەستهێنابوو. ڕاپۆرتە میدیاییەکان بە پشتبەستن بە ڕۆژنامەی دەیلی مەیل ڕایانگەیاند، بەرپرسانی بەرهەمهێنان ئێستا سەرقاڵی گفتوگۆن بۆ هێنانی ئەم خانمە ئەکتەرە بۆ ناو ستافی پاڵەوانێتییەکە، لە کاتێکدا پڕۆژەکە لە قۆناغی پەرەپێداندایە.
وەرزی یەکەمی ئەم بەرهەمە پێشوازییەکی توندی ڕەخنەگرانە و جەماوەری لێکرا، دوای ئەوەی باسی لە چیرۆکی مێردنداڵێک کرد کە تۆمەتبار بوو بە کوشتنی یەکێک لە هاوپۆلەکانی، تیشکی خستە سەر کێشە دەروونییەکانی گەنجان و کاریگەری جیهانی دیجیتاڵی لەسەر ڕەفتاری ئەوان.
ئەستێرە ستیڤن گراهام، کە یەکێکە لە پاڵەوان و بەرهەمهێنەرانی جێبەجێکار، لە کاتی بەشداریکردنی لە ڕێوڕەسمی دابەشکردنی خەڵاتەکانی گۆڵدن گڵۆب ئاماژەی بۆ ئەوە کرد، بیرۆکەیەک هەیە لەگەڵ نووسەر جاک تۆرن پەرەی پێدەدەن.
وەرزی یەکەم لە ڕێگەی سەکۆی نێتفلێکس زیاتر لە 145 ملیۆن بینەری تۆمارکرد و باسی لە تەندروستی دەروونی مێردنداڵان کرد، کە ئەمەش هاوشێوەی کارەکانی پێشووی کێت وینسڵێتە وەک “I Am Ruth” کە بەردەوام ڕووبەڕووی ئەم جۆرە ئالنگارییە کۆمەڵایەتییانە دەبێتەوە.