لە چوارچێوەی گرنگیدانی بەردەوام بە بزووتنەوەی ڕووناکبیری و هونەری، بەڕێوەبەرایەتی سینەما و شانۆی هەولێر سەر بە بەڕێوەبەرایەتی گشتی ڕۆشنبیری و هونەری هەولێر، خولێکی نوێی نمایشەکانی خۆی ڕادەگەیەنێت.
ئەم چالاکییە لەژێر چوارچێوەی پڕۆژەی نیشتمانیی “سینەما و جەماوەر” و بە پاڵپشتیی ڕاستەوخۆی پارێزگاری هەولێر بەڕێوەدەچێت.
بۆ ئەم وەرزە، بە ئامانجی پاڵپشتیکردنی بەهرە گەنجەکان و لە ڕێگەی هەماهەنگییەکی هاوبەش لەگەڵ کۆلێژی هونەرە جوانەکانی هەولێر لە بەشی سینەما، شانۆی زانکۆی سەلاحەدین، فێستیڤاڵێکی تایبەت بە ناوی فێستیڤاڵی کورتە فیلمی قوتابیان سازدەکرێت.
لەم فێستیڤاڵەدا کۆمەڵێک کورتە فیلمی ناوازەی دەرچووان و قوتابیانی بەهرەمەند نمایش دەکرێن.
فێستیڤاڵەکە کاتژمێر ٦:٠٠ی ئێوارەی چوارشەممە، ١٥ی تەممووزی ٢٠٢٦ لە فاملی مۆڵ ــ ئیمپایەر سینەما (هۆڵی ژمارە ٥) ساز دەکرێت و هاتن بۆ هەموان بەبێ بەرامبەر.
فێستیڤاڵەکە وەک دەرفەتێکی گرنگ تەماشا دەکرێت بۆ ئاشناکردنی دەرهێنەرە گەنجەکان بە جەماوەری سینەما دۆست و ڕەخساندنی زەمینەیەک بۆ دەرخستنی تواناکانیان لە هۆڵە مۆدێرنەکانی سینەمادا.