فێستیڤاڵی نێودەوڵەتی فیلمی ڤینیسیا لە خولی نوێی خۆیدا، خەڵاتێکی تایبەت پێشکەشی کچە ئەکتەری ئەمریکی ئێلین بۆرستین دەکات و خەڵاتی شێری زێڕین پێ دەبەخشێت، بەهۆی کارە ناوازەکانی لە ماوەی 60 ساڵی رابردووی لە سینەمادا.
ئەم خەڵاتە لە خولی 83ی فێستیڤاڵەکەدا پێشکەش دەکرێت، کە بڕیارە لە 2 تا 12ی ئەیلوولی داهاتوو بەڕێوەبچێت.
بەڕێوەبەری هونەری فێستیڤاڵەکە، ئەلبێرتۆ باربێرا رایگەیاند، ئێلین بۆرستین لە کارەکانیدا سەرکەوتوو بووە لە پێشکەشکردنی رووخسار و کەسایەتییە مرۆییە ئاڵۆزەکان بە ڕاستگۆییەکی زۆرەوە. ئاماژەی بۆ ئەوەش کرد، توانای گۆڕینی رۆڵەکانی وای کردووە ببێتە نموونەیەکی بەردەوام بۆ نەوەکانی داهاتوو.
لەلای خۆیەوە ئێلین بۆرستین دڵخۆشی خۆی دەربڕی و رایگەیاند، ڤینیسیا پێگەیەکی تایبەتی لای ئەو هەیە و تەنیا ئەم خەڵاتە وەک بەرهەمی ماندووبوونی ساڵانێکی زۆر دەبینێت.
ئەو لەو بڕوایەدایە، گەشتە هونەرییەکەی پڕ بووە لە ئالنگاری بەڵام هاوکاری بەردەوام لەگەڵ دەرهێنەر و نووسەرە لێهاتووەکان یارمەتیدەر بووە. ئێستا هەوادارانی بە پەرۆشەوە چاوەڕێی ساتەوەختی رێوڕەسمی خەڵاتکردنەکەی دەکەن لەم بۆنە گەورەیەدا، کە پێگەی ئەم ئەستێرەیە لە مێژووی سینەمادا زیاتر بەرز دەکاتەوە.