بەڵگەفیلمی “NAZA” لە دەرهێنانی هەردوو دەرهێنەری ئیسرائیلی یۆڤال ئەبراهام و ڕاشێل زۆرە، توانى ریزبەندی یەکەمی بۆکس ئۆفیس لە ئیتاڵیا بگرێت و پێش فیلمی “Avengers: Endgame” بکەوێتەوە.
فیلمەکە ماوەکەی 80 خولەکە و پێشتر خەڵاتی تایبەتی لێژنەی دادوەرانی لە فێستیڤاڵی سینەمایی ڤێنیس بەدەستهێنابوو، پشتی بە چاوپێکەوتن لەگەڵ 24 ئەفسەری هەواڵگری و سەربازی ئیسرائیلی بەستووە کە ڕووخساریان شاردراوەتەوە.
فیلمەکە باسی ئالنگارییەکان و بەکارهێنانی ژیریی دەستکرد و سیستەمی چاودێری ئۆتۆماتیکی دەکات لە دەستنیشانکردنی ئامانجەکاندا لە کەرتی غەززە.
بڕی داهاتی فیلمەکە لە ئیتاڵیا گەیشتە نزیکەی 1.1 ملیۆن یۆرۆ، لە کاتێکدا داواکاری زۆر و نەمانەوەی تکت وایکرد زیاتر لە 150 هۆڵی سینەما ماوەی نمایشکردنی درێژ بکەنەوە.
ئەم بەرهەمە ڕەخنەی توندی لەلایەن سەرۆک وەزیرانی ئیسرائیل بنیامین نەتانیاهۆ و وەزیری کولتوور مێکی زۆهار لێکەوتەوە و هەڕەشەی سەندنی ڕەگەزنامەیان لە دەرهێنەرەکان کرد، لە کاتێکدا بڕیارە فیلمەکە لە مانگی تشرینی دووەم بە خۆڕایی لە مالپەڕی “The Guardian” بڵاوبکرێتەوە.