میدیاکانی کۆریا ئامادەکاری دەکەن بۆ پەخشکردنی زنجیرەی درامایی “Solo Leveling” کە بەرهەمێکە لەسەر بنەمای ڕۆمان و یارییە ئەلیکترۆنییە بەناوبانگەکان دروستکراوە و ناوبانگێکی جیهانی گەورەی هەیە.
بیۆن وو سوک ڕۆڵی سەرەکی لەم بەرهەمەدا دەگێڕێت و کەسایەتی سۆنگ جین وو بەرجەستە دەکات، هەروەها شۆنسکی ناکاشیگی کاری دەرهێنان بۆ ئەم زنجیرەیە دەکات.
چیڕۆکی بەرهەمەکە لەبارەی ڕاوچییەکی پلە نزمە کە هەوڵدەدات لە ڕێگەی چوونە ناو دەروازە مەترسیدارەکانەوە بژێوی دایکە نەخۆشەکەی و خوشکەکەی دابین بکات.
لە کاتی ئەنجامدانی ئەرکێکدا لە شوێنێکی نادیار، سۆنگ جین وو ڕووبەڕووی مەترسی جدی دەبێتەوە، بەڵام سیستەمێکی نادیار بەدیار دەکەوێت کە یارمەتی دەدات ئاستی تواناکانی بەرز بکاتەوە. بەم شێوەیە ڕاوچییە لاوازەکە دەبێتە خاوەنی هێزێکی دەگمەن و بەردەوام ڕووبەڕووی ئالنگاری و ئەژدیها مەترسیدارەکان دەبێتەوە تا نهێنی دەروازە شاراوەکان بدۆزێتەوە.