لە چوارچێوەی بەردەوامیی چالاكییەكانی وەرزی هاوین و پڕۆژەی سینەما و جەماوەر، بەشی رۆشنبیری و راگەیاندنی پارتی دیموكراتی كوردستان، بە هەماهەنگی لەگەڵ لایەنە پەیوەندیدارەكان، بەڵگەفیلمی دیكۆمێنتاریی “عەرعەر و سەگەكانی عەجاج” بۆ رای گشتی و خولیاوێنانی سینەما نمایش دەكات.
ئەم بەرهەمە سینەماییە دیكۆمێنتارییە، تیشك دەخاتە سەر یەكێك لە تاریکترین پەڕەکانی مێژوو کە پرۆسەی شوومی ئەنفالەکان، بێسەروشوێنكردنی خەڵكی سڤیلی كورد لە بیابانی عەرعەر، و تاوانە نامرۆییەكانی جەللادێك بە ناوی «عەجاج»ە.
ئەم بەرهەمە لە دەرهێنانی محەممەد حاجی قادرە و بەرهەمی تۆڕی میدیایی كوردستانە.
نمایشەکە بێ بەرامبەرە و هاتن بۆ هەمووانە و کاتژمێر شەشی ئێوارەی ئەمڕۆ چوارشەممە لە فامیلی مۆڵ، ئیمپایەر سینەما (هۆڵی ژمارە ١٢) نمایش دەکرێت.