لە دوای ئەوەی نانسی عەجرەم، هونەرمەمەندی لوبنانی پۆستێکی لە هەژمارەکەی لە تۆڕی ئێکس بڵاوکردەوە، دەنگۆی جیابوونەوەی لە هاوژینەکەی بەدوای خۆیدا هێنا.
ئەو هونەرمەندە لە پۆستەکەدا نووسیویەتی: کاتێک وەرزێک کۆتایی دێت، رۆحمان وەرزێکی نوێ دەنووسێتەوە.. ئەمە سرووشتی ژیانە.
میدیا عەرەبییەکان بڵاویانکردووەتەوە، نانسی عەجرەم و د. فادی ئەلهاشم جیابوونەوەتەوە و باس لە سەرچاوەیەکی نزیک لەو هونەرمەندە دەکەن کە هەواڵەکەی پشتراستکردووەتەوە.
باس لەوە دەکرێت ئەو دوو هاوژینە لە 2022 جیابوونەتەوە، بەڵام ئاشکرایان نەکردووە و بەنیازن بەم نزیکانە جیابوونەوەیان رابگەیێنن.