لە هۆڵی پێشەوا، لە یادی دامەزراندنی کوردستان تیڤی، ئۆركێسترای ئەو کەناڵە، بە سەرپەرشتی هونەرمەند سەیدەحمەد رواندزی، کۆنسێرتێکیان پێشکەشکرد.
لە کۆنسێرتەکەدا میوزیکی کوردی و بیانی لەلایەن هونەرمەندانی ئۆرکێستراکە پێشکەشکران.
فەرهەنگ غەفوور، بەڕێوەبەری گشتی رۆشنبیری و هونەری هەولێر و ژمارەیەكی بەرچاو لە هونەرمەندان و هونەردۆستان ئامادەبوون.
دوای تەواوبوونی کۆنسێرتەکە، بەڕێوەبەری گشتی رۆشنبیری و هونەری هەولێر، چەپكێ گوڵی پێشكەش بە سەرپەرشتیاری ئۆركێستراكە كرد و هیوای بەردەوامی و گەشەی زیاتری بۆ خواستن.