بەناونیشانی “یادگاری شیرین”، کۆنسێرتێک بۆ عەزیز شارۆخ، هونەرمەندی رۆژهەڵاتی کوردستان سازکرا.
کۆنسێترتەکە بە سپۆنسەریی تۆڕی میدیای كوردستان، گرووپی چەمبەر موزیكی هەولێر و رێكخراوی پەرەپێدانی كاری راگەیاندن، لە هۆلی پێشەوا لە هەولێر بەڕێوەچوو.
لە کۆنسێرتەکەدا ئومێد خۆشناو، پارێزگاری هەولێر، ئاریان سەڵاحەدین، بریكاری وەزارەتی رۆشنبیری و لاوان و فەرهەنگ غەفوور، بەڕێوەبەری گشتی رۆشنبیری و هونەری هەولێر و ژمارەیەك لە بەرپرسانی حكومی و حزبی، رۆشنبیران و هونەرمەندان ئامادەبوون.
پارێزگاری هەولێر چەند خەڵاتێكی رێزلێنان پێشكەش بە گرووپی موزیك و هونەرمەند کرد، هەروەها لەلایەن بریكاری وەزارەتی رۆشنبیری و لاوان خەڵات بەخشرا، دواتر بەڕێوەبەری گشتی رۆشنبیری و هونەری هەولێر چەپكەگوڵی رێز و وەفای بەڕێوەبەرایەتییەکەی پێشكەش بە شارۆخی كرد.