مووچەی ئەم توێژە زیاد دەبێت

بەڕێوەبەری بانکی حەمرین لە هەولێر ڕایدەگەیەنێت، 144 هەزار دینار لە مووچەی بەشێکی خانەنشینانی پێشمەرگەی ئەیلوول زیاد بووە.

محەمەد مەلا، بەڕێوەبەری بانکی حەمرین لە هەولێر، ڕایگەیاند: “نزیکی 144 هەزار دینار لە مووچەی بەشێکی خانەنشینانی پێشمەرگەی ئەیلوول لە مانگی یەک زیاد بووە.”

ئاماژەی بەوەش دا: “ئەو خانەنشینانەی ئەیلوول کە لە ژیاندان، مووچەیان لە 356 هەزار دینارەوە بووەتە 500 هەزار دینار.”

ئەو بەرپرسە کە لە بانکەکەی ئەوان مووچەی خانەنشینانی پێشمەرگە دەدرێت، ڕوونیشی کردەوە: “زیادبوونەکە بۆ میراتگرانی خانەنشینانی ئەیلوول نەکراوە، تەنیا بۆ ئەوانەیە، کە لە ژیاندا ماون.”

بەپێی خشتەی مووچە، سبەی پێنجشەممە 6/2/2025، مووچەی خانەنشینانی پێشمەرگە دابەش دەکرێت.

بڕیارەکە هەزاران پێشمەرگەی ئەیلوول دەگرێتەوە کە سەر بە خانەنشینی وەزارەتی پێشمەرگەن.

شوان بەرزنجی