هونەرمەند ئامانج ئەمین، لە فێرگەی فریمینگ، پێشانگەی هونەریی تایبەت بە نوێترین بەرهەمەکانی بە ناونیشانی “پۆستکارد” کردەوە.
ئامانج ئەمین، لە بارەی پێشانگەکەوە دەڵێت: پۆستکارد، تەنیا نامەیەکی وێنەیی نییە، بەڵکو ڕەنگدانەوەی كاتێكە، لە توێی وردەكارییەكانیدا، رووخساری كەسانێك نیشان دەدەم كاریگەرییان هەبووە، بە هەڵبژاردنی هێما، هێڵ، رەنگ و نەخشە، وەكو نێردەری ئەم پۆستكاردانە خۆم لەنێویان جێدێڵم و بەم شێوەیە ديدگە و روانگەم بۆتان دەردەبڕم.
پێشانگەکە لە “فێرگەی فرێمینگ بۆ وێنەی ڕۆژنامەوانی” لە هەولێر، کرایەوە و بڕیارە ماوەی مانگێک بەردەوام بێت.