رۆژی چوارشەممە، رێوڕەسمی ناساندنی رۆمانی “زەندۆڵ” لە نووسینی زرار سەرتاش بەڕێوەچوو.
چالاکییەکە لەلایەن بەشی وێژەیی سەر بە بەڕێوەبەرایەتی گشتی رۆشنبیری و هونەری هەولێر لە هۆڵی شەهید مەهدی خۆشناو لە لقی هەولێری یەكێتی نووسەرانی کورد سازکرا.
لە رێوڕەسمەکەدا فەرهەنگ غەفوور، بەڕێوەبەری گشتی رۆشنبیری و هونەری هەولێر و ژماریەكی بەرچاو لە نووسەران و رۆشنبیران و هونەرمەندان ئامادەبوون.
نووسەر تیشكی خستە سەر ناوەڕۆكی رۆمانەكەی و بە ئامادەبووانی ئاشنا كرد، دواتر بە واژۆی خۆی پێشکەش بە ئامادەبوانی كرد.
فەرهەنگ گەفوور جگە لە پێشکەشکردنی گۆرانییەک، چەپكەگوڵێكی پیرۆزبایی دەرچوونی رۆمانەكەی پێشكەش بە نووسەر كرد.