بڵاوبوونەوەی وێنەکانی ئەستێرەی کۆڵۆمبی شاکیرا لەگەڵ ئەکتەری مەکسیکی مانوێل گارسیا ڕۆڵفۆ لە ئەمریکا، دەنگۆ و سەرنجی زۆری لەبارەی ئەگەری پەیوەندی سۆزداری نێوانیان لێدەکەوێتەوە.
ڕاپۆرتە میدیاییەکان ئاماژە بۆ ئەوە دەکەن، دەرکەوتنی ئەم دووانە لە کەشێکی دۆستانە و نزیکدا بووە، ئەمەش وایکردووە هەندێک کەس کاتەکە بە پەیوەندییەکی نوێوە ببەستنەوە، هەرچەندە هیچ پشتڕاستکردنەوەیەکی فەرمی بڵاونەکراوەتەوە.
ئێستا شاکیرا و مانوێل بێدەنگییان هەڵبژاردووە، بەڵام هاوڕێیەتییە دیارەکەیان سەرنجی جەماوەری ڕاکێشاوە، بەتایبەت کە ژیانی تایبەتی شاکیرا دوای جیابوونەوەی لە یاریزانی ئیسپانی جێرارد پیکێ لە ساڵی 2022، بەردەوام لەژێر چاودێریدایە.
لە ماوەی ڕابردوودا، ناوی شاکیرا بە چەندین ناوداری دیکە بەسرایەوە، وەک لویس هامیڵتن و تۆم کروز، بەڵام ئەو پێشتر ڕایگەیاندووە، ئێستا تەنیا بیر لە پەروەردەکردنی منداڵەکانی و کارە هونەرییەکانی دەکاتەوە، لەو بڕوایەدایە کاتی بۆ پەیوەندی نوێ نییە.
لە لایەکی دیکەوە، مانوێل گارسیا بەشداری لە کارە دراماییە گەورەکاندا دەکات، دیارترینیان زنجیرەی “The Lincoln Lawyer”ە کە ناوبانگی جیهانی پێبەخشی. سەرەڕای ئەم دەنگۆیانە، شاکیرا بەردەوامە لە چالاکییە موزیکییەکان و ئەنجامدانی گەشتە جیهانییەکانی.