رۆژی یەکشەممە، 13ـی تەممووز، چالاکییەکانی “دووەمین دیداری مەقام لە کەرکووك” دەستیپێکرد و بڕیارە ئەمڕۆ دووشەممە کۆتایی بێت.
دیدارەکە، لەلایەن “لیژنەی باڵای دیداری مەقام”ـەوە سەرپەرشتی دەکرێت، ئامانجی زیندووکردنەوە و پاراستنی هونەری رەسەنی مەقامە لە شاری کەرکوك کە بە یەکێک لە لانکە سەرەکییەکانی ئەم هونەرە دادەنرێت.
بەگوێرەی بانگهێشتنامەی فەرمیی دیدارەکە، چالاکییەکان رۆژانە کاژێر ٥:٠٠ی ئێوارە لە هۆڵی سەنتەری رۆشنبیریی کەرکووك بەڕێوەدەچن. لیژنەی باڵای دیدارەکە داوای لە سەرجەم هونەردۆستان و خەڵکی شارەکە کردووە کە ئامادەی چالاکییەکان بن.
ئەمڕۆ دووشەممە دووەم و کۆتا رۆژی دیدارەکەیە و چاوەڕوان دەکرێت ژمارەیەکی بەرچاو لە هونەرمەندان و شارەزایان و هۆگرانی مەقام ئامادەی بن.