پلاتفۆرمی نێتفلیکس رایگەیاند کە وەرزی حەوتەمی زنجیرەی “Virgin River” کە وێنەگرتنەکەی لە مانگی حوزەیرانی 2025 لە کەنەدا تەواو بووە، لە ساڵی 2026 نمایش دەکرێت، ئەمەش دوای ئەوەی پێشبینی دەکرا لە کۆتاییەکانی 2025 نمایش بکرێت.
هۆکاری دواخستنەکە بۆ نەبوونی کەمپەینی بانگەشە و ریکلام بۆ وەرزە نوێیەکە دەگەڕێتەوە، هەروەها سیاسەتی نێتفلیکس بۆ دابەشکردنی بەرهەمەکانی بە درێژایی ساڵ. وەرزی شەشەمی زنجیرەکە سەرکەوتنێکی گەورەی بەدەستهێنا و لە کاتی بڵاوبوونەوەیدا لە کریسمسی 2024، پلەی یەکەمی لیستی کارە ئینگلیزی زمانەکانی گرت.
یەکێک لە شتە نوێیەکانی وەرزی حەوتەم ئەوەیە کە بۆ یەکەمجار دیمەنی تێدایە لە دەرەوەی ئەمریکای باکوور وێنەی گیراوە، کە چاوەڕوان دەکرێت رەهەندێکی نوێ بە چیرۆکەکە ببەخشێت.
چاوەڕوان دەکرێت وەرزە نوێیەکە بەدواداچوون بۆ چیرۆکی مێڵ و جاک بکات دوای هاوسەرگیرییان، هەروەها ململانێی نۆرینگەی پزیشکی لە شارۆچکەکەدا و گۆڕانکاری لە ژیانی سۆزداریی کارەکتەرەکانی دیکەدا.