تۆڕی نێتفلێکس بە فەرمی بڕیاری هەڵوەشاندنەوەی زنجیرەی ئەکشن و سیخوڕیی “Fubar”ـی دا کە ئەستێرەی جیهانی، ئارنۆڵد شوارزنێگەر، رۆڵی سەرەکیی تێدا دەگێڕا.
بڕیارەکە دوای دوو وەرزی زنجیرەکە دێت و هۆکارەکەشی بۆ دابەزینی بەرچاوی رێژەی بینەرەکانی دەگەڕێتەوە.
وەرزی یەکەمی زنجیرەکە لە 2023 سەرکەوتنێکی گەورەی بەدەستهێنا و لە یەکەم هەفتەیدا نزیکەی 11 ملیۆن بینەری هەبوو، بەڵام وەرزی دووەم لە هەفتەی یەکەمی نمایشکردنیدا تەنیا توانی 2.2 ملیۆن بینەر تۆمار بکات و بە سەختی گەیشتە پلەی دەیەمی لیستی پڕبینەرترینەکان.
ئەمە وەک شکستێک بۆ یەکەم ئەزموونی تەلەفزیۆنیی شوارزنێگەر دادەنرێت و کۆتایی بە پڕۆژەکە هێنا.