ئەستێرەی ئەکشن و پاڵێوراوی خەڵاتی ئۆسکار، سێلڤستەر ستالۆن، بە وەرزی سێیەمی زنجیرەی تاوانکاریی “Tulsa King” دەگەڕێتەوە. تۆڕی پاراماونت پڵەس رایگەیاندووە کە وەرزی نوێی زنجیرەکە لە 21ـی ئەیلوولی داهاتوو نمایش دەکرێت.
زنجیرەکە باس لە “دوایت مانفرێدی” ناسراو بە “جەنەڕاڵ” (ستالۆن) دەکات، کە سەرۆکێکی مافیای نیویۆرکە و دوای 25 ساڵ لە زیندان ئازاد دەکرێت. بەڵام لەبری گەڕانەوە بۆ نیویۆرک، لەلایەن سەرۆکەکەیەوە بۆ شاری تەلسا لە ئۆکلاهۆما دووردەخرێتەوە. لەوێ، دواتر دەست دەکات بە دروستکردنی ئیمپراتۆریەتێکی تاوانکاریی نوێ لەگەڵ کۆمەڵێک کارەکتەری نامۆ.
زنجیرەکە لەگەڵ نمایشکردنیدا بووە یەکێک لە پڕبینەرترین بەرهەمەکانی پاراماونت و ستایشی ڕەخنەگرانی بەدەستهێناوە.