ئومێد خۆشناو، پارێزگاری هەولێر، بەیاوەری دکتۆر دلۆڤان محەمەد بەرێوەبەری گشتی تەندورستی هەولێرو فەرهەنگ غەفور بەرێوەبەری گشتی هونەری هەولێر، بەمەبەستی هەواڵ پرسی، لە ماڵەکەی خۆی سەردانی محەمەد عەزیزی کرد، کە ماوەیەکە چارەسەری تەندورستی وەردەگرێ.
پارێزگاری هەولێر، لەدۆخی تەندروستی هونەرمەندی پرسیەوە و دووپاتی لەسەر چارەسەرە پزیشکییەکان کردەوە و هیوای ساغ و سەلامەتی بۆ خواست. ئامادەیی خۆیشی بۆ هەموو هاوکارییەکی نیشاندا.
هونەرمەند محەمەد عەزیز سوپاسی پارێزگاری هەولێر و شاندی یاوەری کرد کە خەمخۆرانە هونەرمەندان بەسەر دەکاتەوەو لە رەوش و تەندورستیان دەپرسێتەوە.