بەڕێوبەرایەتیی رۆشنبیری و هونەری راپەڕین، خانەی رۆشنبیری منداڵانی رانیە لە هاوینی ئەمساڵدا بە بەشداری 280 فێرخواز لە خولە جیاوازەكانی (شێوەكاری، شانۆ، موزیك، كاری دەستی، پەروەردە، هەڵپەڕكێ ، زمان و وەرزش) بە سەرکەوتوویی بەڕێوە برد. لە کۆتایی خولەکاندا فێرخوازان بەرهەمەکان و لێهاتووییەکانیان نمایشکرد.
رابەر عومەر، بەڕێوبەری بەڕێوبەرایەتی رۆشنبیری و هونەری راپەڕین لە وتەیەكدا رایگەیاند، رێژەی زۆری بەشداری فێرخوازان دەرخەری ئەوەیە، لە سنووری ئێمه توانایەکی باشی هونەری هەیە، بەڕێوەبەرایەتی رۆشنبیری و هونەری راپەڕین بە خۆشحاڵیەوە باوەشی بۆ ئەو توانایە كردووەتەوە.
ئامانجی سەرەکی ئەم خولانە جگە لە دۆزینەوەی بەهرە و خولیای منداڵان، بەرەوپێشبردنی توانای هونەری و پەروەردەییانەی منداڵان بوو.