ڕاپۆرتێکی نوێ ئاشکرای دەکات، ئەستێرەی جیهانی لیۆناردۆ دیکاپریۆ بە شێوازێکی تایبەت کار دەکات، وەک خۆی دەڵێت، تێڕوانینی بۆ پیشەکەی لەگەڵ تەمەندا گۆڕاوە. هەرچەندە هەست بە بەختەوەری دەکات کاتێک دەرفەتێکی کارکردنی بۆ دەڕەخسێت، بەڵام ئێستا زیاتر وردبینە لەوەی پێشکەشی دەکات.
دیکاپریۆی تەمەن 50 ساڵ بە گۆڤاری (Rolling Stone)ـی ڕاگەیاند: “کاتێک گەنجتر بووم، هەستێکی وەک بردنەوەم هەبوو، وەک بڵێیت، ‘باوەڕ ناکەم لەم پیشەسازییەدا کار دەکەم و خۆم بڕیار دەدەم'”.
ئەستێرەی فیلمی (Titanic) زیاتر گوتی: “بەڵام پێم وایە لەگەڵ پێشکەوتنی تەمەنمدا، زیاتر بوومەتە… نامەوێت بڵێم وردبینتر، بەڵام دەبێت هەموو ئەو توخمانە بۆ دروستکردنی فیلمێک بەشداری بکەن، و هیواخوازم نەک تەنها سەرکەوتوو بێت، بەڵکو بەردەوامیش بێت، تەنانەت ئەگەر هیچ گەرەنتییەکیش بۆ هیچ کامیان نەبێت”.
لیۆناردۆ دیکاپریۆ ئاشکرای کردووە، بە هیچ شێوەیەک هەست ناکات تەمەنی گەیشتووەتە 50 ساڵ، جەختی لەوە کردەوە، تەمەنی هەستەکیی لە 35 ساڵ تێناپەڕێت.
لە چاوپێکەوتنێکیدا لەگەڵ دەرهێنەر پاوڵ تۆماس ئەندەرسۆن بۆ ژمارەی “پێشەنگانی هۆڵیود”ی گۆڤاری (Esquire)، کاتێک پرسیاری لێکرا: “ئەگەر نەتزانیایە تەمەنت چەندە، پێت وا بوو چەندت دەبوو؟” ئەستێرەی خاوەن خەڵاتی ئۆسکار وەڵامی دایەوە: “سی و دوو ساڵ.”