فیلمی ترسناکی “Weapons”، کە لە بەرهەمهێنانی کۆمپانیای “Warner Bros”ـە، توانیویەتی داهاتێکی بەرچاو لە سینەماکانی جیهاندا بەدەستبهێنێت و کۆی گشتیی داهاتەکەی گەیشتووەتە 267 ملیۆن و 515 هەزار دۆلار.
داهاتی فیلمەکە دابەش بووە بەسەر 151 ملیۆن و 515 هەزار دۆلار لە ئەمریکا و 116 ملیۆن دۆلاریش لە سینەماکانی دیکەی جیهاندا.
ماوەی فیلمەکە دوو کاتژمێر و 8 خولەکە و چیرۆکەکەی لە شارۆچکەیەکی ئارامی ئەمریکادا روودەدات، تێیدا قوتابییانی پۆلێک بە شێوەیەکی نهێنی دیارنامێنن، جگە لە یەک منداڵ.
دانیشتووانی شارۆچکەکە دەکەونە دۆخێکی ترس و دڵەڕاوکێوە و هەوڵی دۆزینەوەی راستیی پشت ئەم رووداوە سامناکە دەدەن.
فیلمەکە لە پاڵەوانێتیی ژمارەیەک ئەکتەری ناسراو پێکهاتووە، لەوانە سکارلێت شێر، جولیا گارنەر، جۆش بڕۆڵین، بێنێدیکت وۆنگ، ئۆستن ئەبرامز و چەندانی دیکە، کە بە رۆڵگێڕانەکەیان ئاستی فیلمەکەیان بەرزکردووەتەوە.