تۆڕی Hulu بە فەرمی نوێکردنەوەی زنجیرەی “Only Murders in the Building”ـی بۆ وەرزی شەشەم راگەیاند، کە بڕیارە رووداوەکانی ئەم وەرزە لە شاری لەندەن بن. ئەستێرەکانی زنجیرەکە ستیڤ مارتن، مارتن شۆرت و سێلینا گۆمێز بۆ وەرزە نوێیەکەش دەگەڕێنەوە.
هاوکات، ئەکتەری جیهانی لۆگان لێرمان پەیوەندی بە کاستی وەرزی پێنجەمی زنجیرەکەوە کردووە، ئەمەش لەلایەن سێلینا گۆمێزەوە پشتڕاستکرایەوە کاتێک وێنەیەکی لە سێتی وێنەگرتن لەگەڵ لێرمان بڵاوکردەوە.
زنجیرەکە باس لە سێ کەسی نامۆ دەکات کە خولیای تاوانی راستەقینەیان هەیە و لەناکاو خۆیان لەناو تاوانێکی کوشتندا دەبیننەوە لە باڵەخانەکەیان لە نیویۆرک.