خانمە ئەکتەر سکارلێت جۆهانسۆن جارێکی دیکە هەڵوێستی خۆی لەسەر دەرهێنەری مشتومڕھەڵگر وودی ئاڵن دووپاتکردەوە و ڕایگەیاند، سەرباری تۆمەتەکان، ئەو هەر پشتیوانی لێ دەکات.
لە چاوپێکەوتنێکدا لەگەڵ ڕۆژنامەی تێلەگراف، جۆهانسۆن گوتی: “من باوەڕم بە بێتاوانیی وودی ئاڵن هەیە. دایکم فێری کردووم کە دەبێت خاوەن پرەنسیپ بم و ئەوەی باوەڕم پێیەتی بیڵێم”.
جۆهانسۆن دانی بەوەدا نا کە ئەم هەڵوێستەی کاریگەری لەسەر ژیانی پیشەیی هەبووە، بەڵام جەختی کردەوە کە گفتوگۆی ڕاشکاوانەی لەگەڵ دەرهێنەرەکە هەبووە و باوەڕی بە قسەکانی هەیە سەبارەت بەو تۆمەتانەی ئاڕاستەی کراون.