شاری جددە لە سعودیە بووە جێگەی سەرنجی میدیا جیهانییەکان، کاتێک فەرشی سووری فێستیڤاڵی فیلمی دەریای سوور پێشوازی لە گەورەترین ئەستێرەکانی جیهان کرد.
لە ڤان دیزڵەوە بۆ جێسیکا ئالبا و ئەستێرەکانی تورکیا و بۆڵیوود، هەموویان بۆ ئاهەنگی کردنەوەی خولی پێنجەم کۆبوونەوە.
ڕووداوی سەرەکیی شەوی کردنەوە، نمایشکردنی فیلمی “Giant” بوو. ئەم فیلمە کە لەلایەن سیلڤستەر ستالۆنەوە بەرهەم هێنراوە، چیرۆکی ڕاستەقینەی بۆکسێنەری ئەفسانەیی بەڕەچەڵەک یەمەنی “نەسیم حەمەد” دەگێڕێتەوە.
ئەمیر میسری، ڕۆڵی نەسیم دەبینێت و باس لەو گەشتە سەختە دەکات لە شەقامەکانی بەریتانیاوە بۆ لووتکەی جیهانی بۆکسێن.
ئەم فیلمە دەرفەتێکی زێڕینە بۆ ئەمیر میسری دوای زنجیرەیەک سەرکەوتن لە فێستیڤاڵەکانی وەک “کارلۆڤی ڤاری” و “فێستیڤاڵی لەندەن”. فێستیڤاڵەکە کە تا ١٣ی مانگ بەردەوام دەبێت، پردە لە نێوان سینەمای ڕۆژهەڵات و ڕۆژئاوا.