جەیمس گەن، بەڕێوەبەری جێبەجێکاری ستۆدیۆکانی دی سی (DC)، بە فەرمی یەکەم دیمەنی کورتی فیلمی چاوەڕوانکراوی “Supergirl”ـی بڵاوکردەوە.
لە گرتە ڤیدیۆییەکەدا، خانمە ئەکتەر (میلی ئەلکۆک) لە ڕۆڵی کارا زۆر-ئێل (سوپەرگێرڵ) دەردەکەوێت کە لە ناوچەیەکی چۆڵ دانیشتووە و کەشتییەکی ئاسمانیی گەورە لە پشتەوەی دەنیشێتەوە.
جەیمس گەن لەگەڵ بڵاوکردنەوەی گرتەکە نووسیوویەتی: “ئەم هەفتەیە ترەیلەرەکە بڵاودەبێتەوە”. ئەمەش خۆشحاڵییەکی زۆری لای هەوادارانی دی سی دروستکردووە.
لە فیلمەکەدا جەیسۆن مۆمۆا ڕۆڵی (لۆبۆ) دەگێڕێت، کە بە “ڕۆڵی خەونەکانی” وەسفی کردووە. هەروەها ئەکتەرانی وەک ماتیاس شۆنارتس و دەیڤد کرۆمهۆڵتز بەشدارن. بڕیارە فیلمەکە لە 26ـی حوزەیرانی 2026 لە سینەماکان نمایش بکرێت.