فیلمی سینەمایی “One Battle After Another” کە لەلایەن ئەستێرەی براوەی ئۆسکار لیۆناردۆ دیکاپریۆوە ڕۆڵی تێدا دەبینرێت و کۆمپانیای وارنەر برادەرز بەرهەمی هێناوە، لەوەتەی نمایشکردنی لە ٢٦ی ئەیلوولی ڕابردووەوە، داهاتی فیلمەکە گەیشتووەتە ٢٠٣ ملیۆن و ٥٦٨ هەزار دۆلار.
داهاتەکە دابەش بووە بەسەر ٧٠ ملیۆن دۆلار لە سینەماکانی ئەمریکا و نزیکەی ١٣٣ ملیۆن دۆلار لە سینەماکانی جیهان.
فیلمەکە کە لە دەرهێنانی پۆڵ تۆماس ئەندەرسۆنە و بودجەی بەرهەمهێنانی زیاتر لە ١٣٠ ملیۆن دۆلار بووە، ستایشی ڕەخنەگرانی بەدەستهێناوە و پلەی نایابی “A” لەلایەن بینەرانەوە وەرگرتووە، کە ئەمەش بەرزترین هەڵسەنگاندنە بۆ دی کاپریۆ لە دوای فیلمی Titanicـەوە.
فیلمەکە بە تەکنەلۆژیای پێشکەوتووی IMAX و کامێرای 70mm وێنەگیراوە بۆ پێشکەشکردنی ئەزموونێکی بینینی ناوازە.