ئێوارەی شەممە 13ـی کانوونی یەکەمی 2025، کۆنسێرتێکی گۆرانی و میوزیکی ئیتاڵیا سازکرا.
کۆنسێرتەکە بە ئامادەبوونی ئاریان سەلاحەدین، بریکاری وەزارەتی ڕۆشنبیری و لاوان و ژمارەیەک لە بەرپرسان، لە هۆڵی پێشەوا لە دیوانی وەزارەتی ڕۆشنبیری و لاوان بەڕیوەچوو.
کۆنسێرتەکە لەلایەن کونسوڵخانەی ئیتاڵیا لە هەولێر بە هەماهەنگی لەگەڵ وەزارەتی ڕۆشنبیری و لاوان حکومەتی هەرێمی کوردستان سازکرا.
لە کۆنسێرتەکەدا ئانۆ جەوهەر، وەزیری گواستنەوە و گەیاندن و ئومێد خۆشناو، پارێزگاری هەولێر و تۆماسۆ سانسۆنی، کونسوڵی گشتیی ئیتاڵیا لە هەولێر و ژمارەیەک لە هۆگرانی هونەر، ئامادەبوون.
کۆنسێرتەکە بە ناونیشانی “Italian Echoes” سازکرا، تێیدا چەند بەرهەمێکی میوزیکی کلاسیکی جیهان پێشکەشکران.