لێکۆڵینەوە سەرەتاییەکانی پۆلیسی لۆس ئەنجلس وردەکاریی دڵتەزێن لەبارەی دۆزینەوەی تەرمی دەرهێنەری بەناوبانگ ڕۆب ڕاینەر (78 ساڵ) و میشێل سینگەر ڕاینەری هاوژینی (67 ساڵ) لە ماڵەکەی خۆیاندا لە ناوچەی برێنتوود ئاشکرا دەکەن.
پۆلیس گومانی هەیە رووداوەکە تاوانکاری بێت و ئەندامێکی خێزانەکەیان تێوەگڵابێت.
بەگوێرەی گۆڤاری “People”، گومانلێکراوی سەرەکی لەم تاوانەدا “نیک”ی کوڕی ئەو دوو هاوژینەیە، کە پێشتر کێشەی ئاڵوودەبوون و بێ ماڵ و حاڵی هەبووە و باسی لە خواستی گەڕانەوە بۆ لای خێزانەکەی کردبوو. تەرمەکان لەلایەن “رۆمی”ی کچیانەوە دۆزراونەتەوە و دەستبەجێ پۆلیسی لێ ئاگادار کردووەتەوە.
خێزانی ڕاینەر لە بەیاننامەیەکدا رایانگەیاندووە: “بە دڵێکی شکاوەوە هەواڵی کۆچی دوایی تراژیدیای میشێل و ڕۆب ڕاینەر رادەگەیێنین و داوای ڕێزگرتن لە تایبەتمەندیمان دەکەین”.