بڕیارە خولی حەفتا و شەشەمی فێستیڤاڵی نێودەوڵەتی فیلمی بەرلین لە ماوەی نێوان 12 بۆ 22ی شوباتی 2026 بەڕێوەبچێت. فێستیڤاڵەکە پۆستەری فەرمی خۆی بڵاوکردەوە، تێیدا “ورچ” – هێمای خۆشەویستی فێستیڤاڵەکە – بە ڕەنگی گەش و شێوازێکی جیاواز دەرکەوتووە.
فێستیڤاڵەکە ڕایگەیاند، دەرهێنەر و وێنەگری ئەڵمانی، ڤیم ڤێندەرس وەک سەرۆکی لیژنەی دادوەرانی نێودەوڵەتی دەستنیشانکراوە.
ڤێندەرس کە خاوەنی مێژوویەکی دەوڵەمەندە لە سینەمادا، یەکێکە لە دیارترین نوێنەرانی “سینەمای نوێی ئەڵمانیا”.
ڤێندەرس پێشتر لە ساڵی 2015دا خەڵاتی “ورچی زێڕینی شانازیی” پێدراوە و بە فیلمەکانی وەک “Wings of Desire” و “Perfect Days” ناوبانگێکی جیهانی هەیە.
بوونی ئەو وەک سەرۆکی لیژنە، گرنگییەکی تایبەت بە خولی داهاتووی بەرلینالێ دەبەخشێت.