ئەیمی سەمیر غانم، خانمە ئەکتەری میسری، لە نوێترین دەرکەوتنیدا ڕاشکاوانە باسی لە هۆکاری دوورکەوتنەوەی لە سینەما کرد. ئەو ئاماژەی بەوە کرد، دوای دایکایەتی، پێی باشترە کاتەکانی بۆ پەروەردەکردنی منداڵەکانی و خێزانەکەی تەرخان بکات، نەک ڕاکردن بەدوای ناوبانگدا.
ئەم بڕیارەی ئەیمی تەنیا نییە، بەڵکو لە جیهانی هۆڵیوودیشدا چەندین ئەستێرەی گەورە هەمان ڕێگەیان گرتووەتە بەر. بێیۆنسێ، سەرەڕای ناوبانگە بێ سنوورەکەی، زۆر جار بۆ ماوەیەکی درێژ لە چاوەکان ون دەبێت تەنیا بۆ ئەوەی لەگەڵ منداڵەکانیدا بێت.
جێنیفەر لۆرانس، دوای هاوسەرگیری و منداڵبوون، پشوویەکی درێژخایەنی وەرگرت و ڕایگەیاند، پێویستی بەوەیە دوور بێت بۆ ئەوەی هاوسەنگیی ژیانی بپارێزێت.
نیکۆڵ کیدمن، بەردەوام دروشمی “خێزان لە پێش هەموو شتێکە” بەرز دەکاتەوە و ئامادەیە لەپێناو ماڵەکەیدا دەستبەرداری باشترین ڕۆڵەکان بێت.
جوڵیا ڕۆبێرتس، لە لووتکەی ناوبانگیدا بڕیاری دا کەمتر دەرکەوێت بۆ ئەوەی کاتێکی جۆری لەگەڵ خێزانەکەیدا بەسەر بەرێت.
ئەم دیاردەیە نیشانەی ئەوەیە کە تێگەیشتنی ئەستێرەکان گۆڕاوە و ئێستا دروستکردنی هاوسەنگی لەنێوان ژیانی تایبەتی و پیشەیی، لە لای ئەوان گرنگترە لە مانەوەی هەمیشەیی لەژێر تیشکی کامێراکاندا.