نێتفلێکس لیستی کارەکانی مانگی یەکی ٢٠٢٦ی بڵاوکردەوە

پلاتفۆرمی جیهانی “نێتفلێکس” (Netflix) لیستی ئەو فیلم و زنجیرانەی بڵاوکردەوە کە بڕیارە لە مانگی یەکی ساڵی ٢٠٢٦دا پێشکەشیان بکات. 

لە سەرووی هەمووشیانەوە وەرزی چوارەمی زنجیرەی بەناوبانگی (Bridgerton) دێت.

بەگوێرەی لیستەکە، زنجیرەی (Bridgerton) لە ٢٩ی کانوونی دووەمدا بەشی یەکەمی وەرزی چوارەمی نمایش دەکرێت. 

هەروەها زنجیرەی تەمومژاویی (His & Hers) کە لە ڕۆمانێکی “ئالیس فینی” وەرگیراوە، لە ٨ی مانگدا دەکەوێتە بەردەست. نێتفلێکس بۆ ساڵی نوێ کۆمەڵێک فیلمی کلاسیکی وەک (12 Years a Slave) و (Dune) و زنجیرە نوێیەکانی (WWE Monday Night Raw)یشی بۆ بەکارهێنەرانی ئامادە کردووە، کە بە درێژایی مانگی یەک نمایش دەکرێن.