کۆمپانیای دیزنی لە چوارچێوەی پلانی گۆڕینی فیلمە کارتۆنییە کلاسیکییەکان بۆ فیلمی زیندوو (Live Action)، ئەکتەرە سەرەکییەکانی فیلمی “Tangled”ی دەستنیشانکرد.
تیجان کرۆفت، ئەستێرەی ئوسترالی کە بە ڕۆڵی “رایڤن” لە زنجیرەی Titans ناسراوە، ڕۆڵی “رابۆنزڵ” دەگێڕێت. لە بەرامبەریشدا مایلۆ مانهایم ڕۆڵی “فلین رایدەر” دەبینێت. ئەم هەڵبژاردنەی دیزنی دوای گەڕانێکی زۆر دێت بۆ دۆزینەوەی ئەو ئەکتەرانەی کە دەتوانن هاوسەنگی لە نێوان کۆمیدیا و درامادا ڕابگرن.
فیلمەکە لە دەرهێنانی مایکل گراسی دەبێت، کە پێشتر فیلمی “The Greatest Showman”ی بە سەرکەوتوویی بەرهەمهێناوە.
هەرچەندە وادەی نمایشکردنی دیارینەکراوە، بەڵام دیزنی هیوا و رەهانێکی زۆری لەسەر ئەم پڕۆژەیە هەیە بۆ ئەوەی دووبارە جیهانی سیحر و سەرکێشییەکانی رابۆنزڵ زیندوو بکاتەوە.